Lock down Nahi….. look down

Lock down Nahi….. look down

 

 

Namaskar dosto,

             Aap sabhi kese ho , aasha hai aap sabhi ache hoge aaj kal desh aur duniya bahut gambheer veemari se lad rahi hai, sari duniya aaj corona ke sankat ko taal nahi pa rahi hai sarkaron ne sab kuch lock kar diya hai . kuch samay tak hum iss asha mai rahe ki sarkare aur unke anubhavi team sab kuch sambhal legi ….. per app he bata sakte ho ki in sarkaron ne kitni safalta pai aur kitna kuch kho diya. Are jab yahi sab karna tha sabhi ko u he apne haal per chod dena tha to kyon thaliyan pitbai kiyon diye jalwaye ….. akhir kiyon ??

       Mera aaj ka Topic issi ko kahne ka prayash kar raha hai ki iss duniya aur us duniyan per hukumat chalane bale team ko sochne ke liye majboor hona padega ki akhir hum kiya karana chah rahe hai aur kiske liye ???

       Mene pada hai aur apne students ke liye padaya bhi hai ki hamara bharat ab viksit desh ban raha hai , hume ab doosre desh  bahut respect dene lage hai . per aaj kal hamare road aur high way per jis bharart ki tashbeer dikh rahi h bo to mujhe kiya har kissi ko rula deti hai yah sochne per majboor kar deti hai ki akhir iss desh mai pasine ka kiya ye mol hota hai ???

             In vecharon ne kitne mahnat aur khoon paseene se desh ke liye apna lahu paseena baha kar isse banaya aur iss sankat ki ghadi mai aaj bo akela hai asahah hai ,, majboor hai kya iss liye ki bo “ MAJDOOR” hai ?

       Aaj duniyan mai iss baat per bahas chal rahi hai ki ‘CORONA’ prakartik hai ya manav ne isse banaya hai. Mene iss per bahut vichar – vimarsh suna per dil ye nahi maan raha ki iswar ki basai iss sundar c duniya ko koi inshan ya uske team itna pareshan kar sakti hai.  Mujhe to nahi lagta ki insane abhi ya kabhi itna takatvar ho sakta hai ki bo duniya ko “LOCK-DOWN” kar sake. NAHI !!! ye to kabhi nahi ho sakta . to kiya fir bahi hume aur sundar se duniya ko banane bala jo sarv saktimaan hai  swam hume “LOCK-DOWN” nahi “LOOK-DOWN” hone ke liye bol raha hai .

       Insan ko ek baar to sochna he padega ki kiya yesa he hua hai ki iswar hume “LOOK-DOWN” hone ke liye isara kar rahe hai. Ji ha hume ab “LOCK-DOWN” nahi “LOOK-DOWN” hona padega. Hume apni prathvi aur uski vanaspati uske prakratik vatavaran se judna hoga.  samajhna chahiye aur veer yodhha ki tarah iski suraksha bhi karna chahiye . hamare samajh daron ka vikash to dekh liya ki kiss tarah apne niji mahtvakancha ke liye iss sundar dharti ko kita ujad  chuke . kintu ab desh ke sachhe sapooton ko ye sankalp lena hoga ki humre mahnat aur paseene se iss dharti ko na ujada ja sake , hum ye bhi sankalp le ki hum ab koi yesa kaam ya majdoori nahi karenge jisse dharti ka kisi bhi prakar se nukshan ho koi hani ho.

       Aaj corona ke karan hamare lakhon karodon logon ke muh se khane ka ‘kaur’ nivala cheen liya hai kiyo ki kahi na kahi humare majdoori se he aaj dharti ko itna pollution dekhna pad raha hai. Agar hum yesa na karte to iswar hume iss tarah apne gharon mai      “LOCK-DOWN” ke liye na bhejte . bo sarwagya hai sab janne bala hai leki jab galti mai hum bhi samil rahe hai to saja mai kese piche choot sakte hai . isliye meri aap asabhi se prathna hai ki aap “MAJDOOR” ho ‘MAJBOOR’ na bano “MAJBOOT” bano. Aur itna “MAJBOOT” bano ki iss duniyan ke logon ke swarth poorti mai hamara khoon pasina na lage !

       Ab hum sabko “LOCK-DOWN” ke sath sath “LOOK-DOWN” yani neeche bhi dekhna chahiye ki hum kahi koi galti to nahi kar rhe kahi khamare kisi kaam ya karya se paryavaran ko koi chatty to nahi pahuch rahi .

 Desh mai corona ka to trailer chal raha kintu ab agar nahi sudhre to bo din door nahi jab hum prakarti ka “KOH-RAM” dekhenge aur sayad ye sab dekhne ke liye hum rahe ya nai bhi!

Global warming, all types of pollution, Rape , murder, gaw hattya  aur bahut yese kaam hai jise iswar bahut bahut naraj ho gaye hai. Iss liye mera aap sabhi se ek baar punah karvadhya nivedan  hai ki prakarti ke aur dekhe aur iss duniya ko na bigaden isse apne haal pe chod den agar ho sake to isse aur sundar banaye….. insane aur janbaron ki madad kare seva Karen.

 bs yahi sab ke sath aap sabhi se bida leta hu. Aap sabhi ka bahut bahut dhanyabaad ki apne mere vicharon ko pada aur mujhe asha aur pura bharosa bhi hai aap isse pad kar bhool jana nahi chahenge iss par vichar awasye karenge

radhe radhe

good night

apka 

    Murari Rai

    Teacher 

Govt Model hss Karera

Date 14/05/2020

Place karera